Maharashtra1

लॉईड्स मेटल्स अँड एनर्जी लिमिटेड आणि लॉईड्स इन्फिनिट फाऊंडेशन यांच्या संयुक्त विद्यमाने मोफत शालेय पाठ्यपुस्तकांचे वितरण कोणसरी, दि. २४ जुलै २०२६ : लॉईड्स मेटल्स अँड एनर्जी लिमिटेड आणि लॉईड्स इन्फिनिट फाऊंडेशन यांच्या संयुक्त विद्यमाने राबविण्यात येणाऱ्या शालेय सहाय्यता कार्यक्रम अंतर्गत जिल्हा परिषद हायस्कूल, कोणसरी येथे मोफत शालेय पाठ्यपुस्तक वितरण कार्यक्रम उत्साहात संपन्न झाला. या उपक्रमाअंतर्गत इयत्ता ९ वी, १० वी, ११ वी आणि १२ वीमध्ये शिक्षण घेणाऱ्या एकूण ८३ विद्यार्थ्यांना शालेय पाठ्यपुस्तकांचे मोफत वितरण करण्यात आले. विद्यार्थ्यांना आवश्यक शैक्षणिक साहित्य उपलब्ध करून त्यांच्या शिक्षणाला बळकटी देणे आणि गुणवत्तापूर्ण शिक्षणासाठी प्रोत्साहन देणे हा या उपक्रमाचा मुख्य उद्देश होता. कार्यक्रमाच्या अध्यक्षस्थानी जिल्हा परिषद हायस्कूल, कोणसरीचे मुख्याध्यापक मा. कोहाडे सर उपस्थित होते. प्रमुख अतिथी म्हणून मा. बेणूगोपाल सर (प्रशासन विभागप्रमुख, लॉईड्स मेटल्स अँड एनर्जी लिमिटेड) यांनी विद्यार्थ्यांना शिक्षणाचे महत्त्व, सातत्यपूर्ण प्रयत्न आणि उज्ज्वल भविष्यासाठी कठोर परिश्रमाच...